إغتيال
صبيت مشاعري كلها
و انا مؤمنه انك حياه
وصيت ايماني يصدقك
و يوهبك صورة الإله
كان كل شوفي مصدقك
كان كل شوقي تبلغه طوق النجاه
مكانش باين للعيون انك سفه
مكانش باين منها غير نظرتك
بتعدي عند حدود رموشي
و تنتظر منك مناه
كان مستحيل
كان مستحيل اني اوهبك اصل الامل
و اني اصنعك بايدين هوى
ثم اكتشف انك هوا
فتضيع معاه
مين اللي شاف سكين جحودك
دلني
مين اللي شافك و انت داخل سكتي
بتسن قلبك
لاجل تدبح ضحكتي
و تموت الجزء اللي فاضل من أنا
و تعذب الأصل اللي دايب من جحور الظلم في قلوب الطغاه
يااااه
يااا كل ما انده ع الحروف
مني اتكسف
يا حروف ألم
يا فراق و طال
يا بعد ابعد م السما
يا كسرة بين حرف الوجع
و بتتسأل مليون سؤال
خطيت بنصلك ع الوفا
و قطعت حبل الاحتمال
كان إيه جزاتي اني انجرح
وفيت عهودي و بندبح
كان أول القصه الهوى
و آخر القصه اغتيال
جهاد زيادة – مصر