أنا بيني وبين البحر حاجات
وساعات يخاصمني وأصالحه ساعات
وساعات يتجنن يتشاقي
لو موجه حضني وبرواقه
ويغير م الشمس الشموسه
لو ع الخدين طبعت بوسه
أنا بيني وبين البحر حاجات
ده أنا ياما حكيتله كتير حكايات
يسمعني ويبكي كمان أوقات
وإن ضحكتي غابت عن شطه
يبعتلي محاره ويطمن
ليه غبت عليه. مسألتش ليه
من بدري ماجيت زي الأول
والموج وياه وباعتلي سلام
آل إيه غضبان مني وزعلان
أول ماقابلني بيتحول
أول ماقابلني بيتحول
انا بيني وبين البحر حاجات
يشاورلي الشط هناك وبعيد
علي طرف الشال وكتب مواعيد
ورسم قلبين وكمان حرفين
مداريهم رمشي ف نن العين
أنا بيني وبين البحر حاجات
************
حلفته المينا يوديني
ف نده للموجه هنا تجيني
أصدر فرمان . الليل ماتنام
الا وحبيبي قصاد عيني
ولاجاني منام وهديته سلام
وشوشت الودعه ف منديلي
أنا بيني وبين البحر حاجات
وساعات يخاصمني وأصالحه ساعات
أمنته السر وقالي ف بير
من شط لشط سحرني خطير
ونوارس ترقص ع الميه
وعبيره ياخدني معاه وبطير
أنا بيني وبين البحر حاجات
وساعات يخاصمني وأصالحه ساعات
فطمة السيد – مصر