هعيشها بمزاجي
وكيفي وإرادتي
هدوس حزني
واصنع سعادة لسعادتي
وهبني في قصوري
واحصنها دايما
بجيش التفاؤل
أعيش كل وقتي
أقفل بيبان الهموم الكئيبة
واعلم شموسي
متعرفش غيبه
تنور قلوب الليالي اللي عاشت
في ضلمة وخنقه
وتحيي اللي ماتت
بفرحة وبهجة
وأماني وعبير
تطبب جناح
اللي بات يوم كسير
يرفرف ويعلي
فيرجع يطير
تزهر جناين
قلوب الغلابة
وتضحك بفرحة
عيون السحابة
تبشر، تمطر،
وتملانا خير
يطهر ملامح طفاها الوجع
تعيد مجد ينهض
يقوم الجدع
بعزم المقاتل
فتكمل سيادتي
واعيشها بمزاجي
وكيفي وإرداتي
إيمان مصطفى – مصر